Irgendöbbis stimmt nöd, ich weiss aber ned was. Es het sich i de letschte paar mönet langsam in mir breit gmacht, so wie im winter d’chälti unbemerkt i dini chnoche schlicht. Ich chan ned richtig dänke und es macht mer chli angscht… es blockiert alles. ich glaube ich bruch eifach chli rueh und echli zi zum abschalte, aber dummerwis isch das aber leider en ungünschtige zitpunkt für e arbetsblockade.
S’isch eifacht irgendwie immer meh worde, die ganze abschlussprüefige, mini facharbet alles chont jetz no uf mich zue, rollendi Felsbrocke wo immer schneller de berg durab rollet und mich erschlönd. Wo isch d’motivation oder besser gseit d’angscht vom 1ste Lehrjahr das ich mini Lehr verbocke? Wie söll ich wüsse was ich in zuekunft mache wott, wenn ich ned mal weiss was mit mir los isch?
Vilicht… nei hoffentlich isch das nur e phase, ja das wirds si. Bis das überwunde isch…. blibt mir wohl nüt anders übrig als mich zämezrisse und mim fruscht mit nem trurige smile z’entgägne
das het guet tah, alles mal usezschriebe, fühl mi schochli besser
…
*smile*