Kampfstiefel
May 14th, 09:44 2007 by Chinobi
Hüt hani so dänkt: dümmer doch eusi kampfstifel ilaufe, mer wil ja schliesslich kei blatere a de füess
Woni sie agha han hani gmerkt dases voll strub isch zum drin laufe, d’sohle isch irgendwie so abgrundet, aber zum uszieh isches scho zspat gsi… 07:58 und 08:02 fahrt de Bus.
De Bus isch zimli spat cho (die schlämp) und wo de bus bim bahnhof acho isch het me chöne gseh wie de zug so igfare isch. ich natürli voll speed ufs gleis 5, d.h. stäge durab, stäge duruf und i de zug inejump. Läck probier mal mit runde Sohle stäge durab zrenne, ich wär schier uf dfrässi gheit und all nur so blöd am glotze (curse you, ja dich mein ich du alts ömi i de zweit reihe vo links, ned so glubsche -.-”)
Schliesslich bini dänn im zug gsi, damn hend mini füess wehtah >_> so en pulsierende Schmerz i beidne Füess ZOMG.
jetz bini ändli im gschäft acho und hinde am blüete wil sich de oberi schuerand is fleisch gschnitte het, PAIN
Fazit Kampfstiefel:
+sehr stabil
+gsend au cool us mitem cloud-koschtüm
-ned so geignet zum stäge durablaufe
-brucht zimli hohi söcke demit ich mich ned dra schnide
-quitsched bim laufe (yeah läder wo sich ribt -.-” huere fetisch verein)
-bruchet zimli vil pfleg